როგორ დავიწყოთ უცხო ენის სწავლა Lingwing-ით

ნებისმიერ დიდ საქმესთან შეჭიდებისას ჩნდება კითხვა: საიდან დავიწყო? თუ უკვე გადაწყვიტე, რომ უცხო ენის შესწავლა გინდა და ჩამოყალიბდი იმაზეც, რომ შენთვის ხელსაყრელი ონლაინ-სწავლება იქნებოდა, მაშინ ეს ინსტრუქცია სწორედ შენთვისაა.

#1. აირჩიე ენა

ჯერჯერობით ჩვენს საიტზე ხუთი უცხო ენაა წარმოდგენილი, თუმცა ენების დამატებაზე აქტიურად ვმუშაობთ. აირჩიე, რომელი ენის შესწავლა გინდა. სწავლის დასაწყებად რეგისტრაცია არ გჭირდება.

#2. აირჩიე კურსი

იმის მიხედვით, უკვე გქონდა თუ არა ამა თუ იმ ენასთან შეხება, შეგიძლია შენი დონე განსაზღვრო. აქვე ხედავ, კიდევ რამდენი ადამიანი ეუფლება შენთან ერთად ახალ ენას.

#3. შეამოწმე ხმა

ჩვენთან სწავლა ძალიან მარტივია. აუცილებელი არაა, კონკრეტულ კრიტერიუმებს აკმაყოფილებდე. უბრალოდ, რაკი ჩვენი სწავლების მეთოდი სიტყვებისთვის “ყურის შეჩვევაზე” და “ალაპარაკებაზეა” ორიენტირებული, უნდა შეამოწმო ხმა კომპიუტერში.

#4. შეასრულე პირველი დავალება

პირველი დავალება უმარტივესია. პირველ რიგში, უნდა გადათარგმნო მშობლიურ ენაზე დაწერილი სიტყვა შესასწავლ ენაზე. იმ შემთხვევაში, თუ არ იცი მოცემული სიტყვის თარგმანი, პროგრამა გამოსავალს გთავაზობს და თავად გკარნახობს სიტყვას, რომელსაც აკრეფ (ამ გზით, სიტყვის მართლწერასაც სწავლობ და იმასაც იმახსოვრებ, როგორ გამოითქმება). პროგრამა არ მოგცემს საშუალებას, რომ მოცემული სიტყვა ან წინადადება არასწორად დაწერო. სანამ დავალებას სწორად არ შეასრულებ, შემდეგ ეტაპზე ვერ გადახვალ.

#5. დარეგისტრირდი

ცოტა ხანში მიხვდები, რომ ლინგვინგთან ერთად სწავლა მოსახერხებელი და სახალისოა. დარეგისტრირებას სულ რამდენიმე წამი სჭირდება. სიმარტივისთვის, შეგიძლია ფეისბუქის მონაცემები გამოიყენო. ამ გზით საშუალება გექნება, თვალი ადევნო შენს პროგრესს, დააგროვო ქულები და შეეჯიბრო სხვა მოსწავლეებს შრომისმოყვარეობაში.

#6. შეიძინე პრემიუმ-პაკეტი პრემიუმ შედეგისთვის

საიტზე უცხო ენების შესწავლა შესაძლებელია როგორც უფასოდ, ისე პრემიუმ პაკეტის შეძენით. უფასო პაკეტი მოიცავს შეზღუდული რაოდენობით სავარჯიშოებს, დღეში დაახლოებით ოც სავარჯიშოს (15-20 წუთი). უფასო პაკეტის გამოყენებით, მიხვდები, თუ რას გთავაზობს საიტი. ფასიანი პაკეტის დახმარებით კი, კიდევ უფრო სწრაფად იხილავ შედეგებს. თვეში 29 ლარად შეუზღუდავი რაოდენობის სავარჯიშოები დაგერიცხება, რაც იმას ნიშნავს, რომ დღეში ლარსაც კი არ გადაიხდი ახალი ენის დასაუფლებლად.

ანგარიშსწორება უმარტივესად, საიტზევე ხდება და ცვლილებები მომენტალურად ისახება.

#7. არ იზარმაცო

ჩვენ ჩვენი მხრივ, ყველაფერი გავაკეთეთ, რომ ენის შესწავლის პროცესი შენთვის სასიამოვნო ყოფილიყო, მაგრამ შენი მონდომების გარეშე არაფერი გამოვა. გვეწვიე სისტემატურად და ცოტა ხანში თავადაც გაოცდები საკუთარი შედეგებით.

ლინგვინგთან ერთად “სწავლის ძირიც ტკბილია”. ჩვენ გვჯერა, რომ ამ გზით კენწერომდე მეტი ადამიანი მიაღწევს.

მადლობა, რომ დრო დაგვითმე. გისურვებ წარმატებას!