დღევანდელი დღე ლინგოსთვის ჩვეულებრივად დაიწყო. გერმანული სიზუსტით, დილით 08:00 საათზე, ტრადიციისამებრ, კარგ ხასითზე წამოფრინდა, ნისკარტი გაიხეხა და ინგლისური საუზმე მიირთვა. შუადღისას ლანჩზეც, ტრადიციულად, ფრანგულ კრუასანს შეექცა, საღამოს კი თავის რუს მეგობარ გოგოს გაუარა იტალიიდან ჩამოყვანილი ახალი ალფა რომეოთი და თბილისის ძველ აბანოში მასთან ერთად „გაიგულავა”. აბანოდან დაბრუნებულმა, ოდნავი დაღლისა და მოთენთილობის ფონზე, ესპანური დესპასიტო ჩართო და საწოლისკენ გაეშურა. ფრთა თავქვეშ ჯერ კიდევ არ ჰქონდა ამოდებული, რომ ჩათვლიმა.
