სულ რაღაც ერთი წელია, რაც Lingwing ქართულ ბაზარზე შემოვიდა და უკვე გახდა უცხო ენების ონლაინ სწავლების უპირობო ლიდერი საქართველოში. საიტზე 45 000 მომხმარებელია დარეგისტრირებული. ლინგვინგი მუდმივად ახარებს მომხმარებლებს სიახლეებით. საიტს ემატება საინტერესო ფუნქციონალი, რაც ბევრად მარტივს და მოსახერხებელს ხდის ენების შესწავლას.
2017 წელის ბოლოს პროგრამას რამდენიმე ახალი ფუნქცია დაემატა, რომელთა შესახებაც მოკლედ მოგახსენებთ.
აჩუქე ცოდნა. ახალ წლამდე სულ ცოტა დრო დარჩა და ალბათ, თქვენს საახალწლო სამზადისში ერთ-ერთ მნიშვნელოვან ადგილს საჩუქრები იკავებს. მეგობრებისთვის საჩუქრების შერჩევა რთული, მაგრამ სახალისო პროცესია. ამ პროცესში ლინგვინგიც ჩაერთო და ახალი კამპანია – “აჩუქე ცოდნა” წამოიწყო.
ეს ფუნქცია ძალიან გაგიმარტივებთ საჩუქრის გაგზავნას. თქვენ სახლიდან გაუსვლელად შეგიძლიათ გაუკეთოთ მეგობრებს საჩუქარი ელ-ფოსტის მეშვეობით. არჩევანი თქვენზეა! შეგიძლიათ დარჩეთ სეკრეტ სანტად ან გაუმხილოთ მათ თქვენი ვინაობა.
აღსანიშნავია, რომ ჩვენ ვგეგმავთ ამ კამპანიის – “აჩუქე ცოდნა”, კიდევ უფრო გაფართოებას და პოპულარიზაციას 2018 წლის განმავლობაში და იმედი გვაქვს, რომ ამ საქმეში სხვა კომპანიებიც შემოგვიერთდებიან.
სერტიფიკატი. როგორც იცით, ლინგვინგის დახმარებით ხუთი ენის შესწავლაა შესაძლებელი. საიტს სულ ახლახანს დაემატა სერტიფიკატი, რომელიც თითოეული დონის დასრულების შემდეგ ყველა კურსდამთავრებულს გადაეცემა.
გრამატიკიული წესების ჩამონათვალი. მომხმარებლების თხოვნით საიტზე დავამატეთ გრამატიკული წესების სრული ჩამონათვალი კურსების მიხედვით და მათ ნებისმიერ დროს შეუძლიათ გადახედონ ამ წესებს.
2018 წელს დაგეგმილი სიახლეები
2018 წელიც სიახლეებით სავსე იქნება თქვენთვის. ერთ-ერთი სიახლე, რაც საიტს დაემატება არის ონლაინ ტესტები, რომელიც დაგეხმარებათ განსაზღვროთ ცოდნის დონე და ამასთანავე შეამოწმოთ განვლილი მასალის ეფექტურობა. წლის დასაწყისში ასევე გავახარებთ იმ მრავალრიცხოვან მომხმარებელს, რომლებიც გერმანული ენის დამატებას ითხოვდნენ. საიტს დაემატება ქართული ენის კურსი უცხოელებისთვის.
ლინგვინგი გილოცავთ დამდეგ შობა-ახალ წელს და წარმატებებით სავსე წელს გისურვებთ!
